الفرق بين الهاوى والتاجر

السلام عليكم ورحمة الله وبركاته
موضوعى اليوم عن الفرق بين الهاوى والتاجر فى تربية البادجى
نبدا اولا بالهاوى:-
شخص دخل فى هذه الهواية حبا فيها وليس تحصيل فلوس فتجد همه الاكبر هو الحصول على انتاج قوى وقبل الحصول على الانتاج اهم شىء عنده هو صحة الزوج فتجده مهتم بتغذيتهم تغذية جيدة من حبوب اساسية واطعمة اضافية وماء نظيف وعناية جيدة من نظافة للقفص والمأكل والمشارب وتجد امله فى رؤية الفروخ وذلك اقل شىء يُقدم اليه بعد هذا الاهتمام.

ثانيا التاجر:-
شخص همه الاكبر تحصيل فلوس عن طريق انتاج فروخ سواء كانت من زواج اخوات ام غير ذلك وسواء كانت هذه الفروخ ضعيفة (مريضة) ام سليمة لانه ماشى بمبدا كله هيتباع وتجده متجه للتربية الجماعية لانها اسهله من حيث وضع الاكل والماء والنظافة (ان وجدت) وياريت مهتم بالاكل فهو لا يضع الا البلكم و الدنيبة وممكن مرة فى الشهر يضع الخضراوات (ده لو افتكرها) وطبعا هو لا يعرف شىء عن وجبة اسمها وجبة البيض بالبقسماط او القمح المنقوع وتجده يفتح العش مرة فى السنة (لانه ماشى بمبدا البركة الفروخ اللى هتعيش هتطلع من العش والفروخ اللى هتموت الانثى هتطلعه) مقولة من احد التجار وبعد ذلك عندما يريد احد الاشخاص شراء زوج فلو عنده خبرة هيعرف يفرق بين الذكر والانثى (بمعنى مش هينضحك عليه) اما لو معندهوش خبرة فممكن التاجر هيعطيه اتنين ذكور عمر شهرين مثلا وهيقوله ده زوج لسه مطلع زغاليل عندى وبعد ما يشترى ينتظر مدة لغاية ما يصاب بالياس ويكره الهواية الجميلة.

ونصيحتى للاعضاء جميعا يجب شراء الطيور من واحد هاوى خبرة حتى لاتتعرض لغش بعض التجار.
ملحوظة:- انا لم اقصد كل التجار وانما التجار الغير مراعين لضميرهم ولايعمل حساب لسمعته ولا للمحل وانا فعلا بتكلم عن تاجر معين.
يارب يكون موضوعى عجبكم ومنتظر تعليقاتكم