الشراسه عند الكلاب وكيفيه تدريبهم عليها...

الشراسه عند الكلاب وكيفيه تدريبهم عليها.....


سؤال تكرر وكثر وبدات الناس في الافتاء من دماغهم وناس بتستدل علي اسس علميه وناس تانيه بيبقي عندها كلاب وتقول معرفش اشرس الكلاب ويجيب واحد ب200 جنيه عشان يشرس الكلب انا بقي بحب اعمل مواضيع تكون افاده لكل الناس وتكون مطلوبه وياجامعه انا حبدا ان شاء الله في كتابه جميع اسس تدريب وتشريس جميع انواع الكلاب لان كل نوع وله طريقه خاصه للتشريس وان شاء الله حتكون مبنيه علي اسس علميه وتكون مجربه ومجديه وسهله ....






اولا لازم بعض النصائح علي موضوع تشريس الكلاب ده عشان ابقي عملت اللي علي وعشان محدش يشيلني ذنب انا مقصدهوش :
هو ان الموضوع ده لتدريب الكلاب وتشريس الكلاب للحراسه للحراسه واكد علي هذه الكلمه لان في ناس بتشرس كلابها عشان تتمنظر امام اصاحبها او تعمل بيها عمليات سرقه او عمليات تخريب فانا احمل عن نفسي اي مسئوليه لو حصل حاجه

ناس حتقول عايزها كلبها شرس بغباء وناس تقول شرس بذكاء انا مش حقدر اغير الافكار اللي في دماغهم
بس انا انصحك تخليه ذكي ويقظ عشان مبداش في المشاكل وانا عن نفسي ححط الطريقتين ولكن تنفيذ الشراسه الغبيه سهل والشراسه الذكيه تحتاج الي وقت ومجهود

نبدا بالشراسه الغبيه عشان نخلص منها ونفوق الي الذكاء والعلم :

اولا تجيب الكلب من وهو عنده شهرين بالضبط او تلاته وتبدا الشراسه وهي انك محدش غيرك يدخله عشان يأخذ عليك انت بس ويبقي اي حد تاني عدو وبعدين تاكله كويس وتديله فيتامينات وتبدا في اعطائه مره واحده في الاسبوع كبده نيه وتكون من النوع الجيد وتبدا تلعب معاه تلعب معاه ولو بادر بالعب معاك والعض ويهوهو اديله حته كبده بس متنساش لازم تكون مره واحده في الاسبوع عشان ميبقاش مسعور وعشان الديدان وكده .

وبعد ما تلعب معاه كتير وتخليه شقي وتنمي جسمه علي التنطيط واللعب ابدا العب معاه بغباء شويه يعني لو معاك قماشه لونها احمر او فسفوري يعني لون مستفز للعين تخليه يعضها وتشدها منه وتجبها يمين وشمال وبعدين تشدها منه وتضربه بيها علي منخيره او دماغه بس مش جامد براحه متنساش انه جرو لسه ميستحملش وعشان ميكرهش اللعب
تعمل كده كل يوم وتزود الغباء في اللعب.
في سن خمس شهور او سته تبدا تمشيه في الشارع وتجريه ورا القطط عشان يبقي غبي في المعامله
وتلعب معاه برجلك وتخبط رجلك بين رجليه في صدره يعني بس جامد شويه عشان بقي كبير حتلقيه بيهجم علي رجلك وبعيدين تعمل معاه كده كلي يوم

ولما يوصل سن 9 شهور وسنه تبدا تجبله واحد صاحبك وتخلي صاحبك يسمك حزام ويبدا يهوش الكلب وبعدين يضربه براحه علي دماغه وبعدين حتلاقي كلبك اتهبل وحيبدا يهجم وبعدين تخلي صاحبك يعمل كده تاني وتالت ورابع وبعدين تخلي صاحبك يديله الحزام في الاخر عشان الكلب يحس انه انتصر فيقوم يحس بشراسته

تابع الطريقه التي تؤدي الي الشراسه القويه بدون ذكاء؟



بع ما الكلب يوصل سنه بالضبط بعد المعامله القاسيه اللي انت بتعملهاله حيكون كلب شرس جدا جدا جدا
وطبعا ومن هو عنده ست شهور وهي بيدرب علي ان اي حد غير صاحبه هو حيكون عدو حتي لو كان مسالم ومش بيعمله حاجه لانه اي حد غريب جديد يدخل عليه يضربه ويحاربه فدي بتترجم في مخ الكلب ان اي حد غير صاحبه اذن فهو حيأذيه واضرار هذه الطريقه انه ممكن يهجم علي احد افراد العائله او يهجم علي اي حد من اصحابك ودي تعملك مشكله وحتضطر انك متخركش بيه لان اللي رايح واللي جاي حيهجم عليه فيبقي خطر علي الشارع وكمان لو بعد التدريب ونزلته الشارع التدريب والشراسه بتاعت الكلب حتقل لان الكلب بيفقد نص شجاعته في الشارع لان في عربيات وناس رايحه وجايه فالكلب حيخاف ويفقد ثقته بنقسه يعني من الاخر مش حيبقي كلب حيبقي مسجون وشرس وانت السجان ده دي الشراسه الغبيه

والشراسه بالذكاء والخفه والفهم حتيجي وحيكون كلمنا طول الموضوع عنها وعشان الناس متزهقش من الكلام ادي شويه صور لكلاب شرسه وجامده جدا جدا جدا


الكلب الشرس جدا بدون تفاهم صعب انك تعوده علي حد غيرك لانه لو اخذ علي حد تاني حتقل شراسته وحتروح فكره ان الانسان غير صاحبه عدو
والطريقه دي مفيده جدا جدا لاصحاب المصانع والفلل لانه يجب ان يكون الكلب غبي معندوش مخ الا انه يعض اي حد غير اللي بيأكله حتي لو الحد ده مش خايف او مش حيأذيه .

انما الطريقه اللي انت عايزه دي حتبقي من ضمن الطريقه الذكيه وبجد انا بحضرلها من زمان وان شاء الله حتبقي مدعمه بالصور والفيديو لان الطريقه الذكيه مش شراسه بس انما في حاجه اسمها تدريب طاعه وبعدين تدريب شراسه موضوع كبير كبير علي راي اشرف عبد الباقي ههههههه

وكمان ملحوظه : بلاش تخلي اي حد ان كان من العائله او من اصحابك يدخل علي الكلب وهو متسيب والشخص ده بيخاف او ممكن يعمل اي حاجه تغيظ الكلب لان البني ادم بيعمل حاجات الكلب بيترجمها حاجات تانيه وفي ساعتها الفاس حتقع في الراس وحيهجم ومش حتقدر تتحكم فيه (مثلا زي الخوف الزائد عن اللزوم والجري او الحركه فجأه الكلب حيترجمها ان هو المسيطر ويستطيع الهجوم او واحد عامل فيها دكر وبيبرق للكلب وقال ايه بيهوشه وده حيتبهدل اكتر من الخايف لان الكلب حيترجم الكلام ده تحدي من الشخص ده وفي ساعتها صاحب الكلب لو رقص عشان يوقف الكلب مش حيعرف لان الكلب بيبقي في حاله جنون [الا لو كان مدرب وواخذ كورس الطاعه كامل وصاحب الكلب له شخصيه قدام الكلب] وشكرا)