كيفية تدريب الكلب على تتبعك والمشى معاك

ازاى تعود كلبك على النزول الى الشارع ثم المشى معك

هاى يا شباب انا انهاردة حبيت اوضح شويه تعليمات منها تقدر تعود الكلب على
النزول اللى الشارع بدون خوف عشان فى بعض الناس كلابها بتبقى خايفة تنزل
فى الشارع و لو نزلت بالعافية بتبقى خايفة من الناس و من العربيات و ....الخ
و احنا مش عايزيين كدة احنا عايزيين كلابنا تبقى شجاعة و تنزل الشارع بدون
خوف عشان كدة الموضوع حيكون مفيد لكل مربى كلاب و دلوقتى ندخل
فى الموضوع :


الكلاب من سن 3 شهور :

السن دة هو المناسب عشان نبدا التمرين بتاعنا و احب اقول حاجة لو حد عايز يشترى
كلب ممكن يشتريه عنده شهرين او شهر و نص عشان الكلب لما يكمل 3 شهور يكون
اخد عليك بما فيه الكفاية ولما تبدا التمرين يكون واثق فيك و ميخافش منك و دلوقتى
ندخل على التمرين :
اول لما الكلب يكمل 3 شهور او 3شهور و شويه حتبدا تنزله الشارع بس فى شرط
مهم قبل ما تنزله الشارع و هو ان النزول حيكون بليل عشان تكون العربيات خفيفة
و كمان الناس و الكلب يقدر يتحرك براحته و يتمشى معاك و حتستمر على التدريب
دة لمدة اسبوعين او شهر زى ما تحب و بعد كدة حيكون الكلب اتعود على الشارع
بس و هو فاضى و التدريب التانى حيكون على الزحمة الخفيفة :
بعد ما خلصنا التدريب من غير زحمة حيكون الكلب اتعود على الشارع و مش حيخاف
منه بس احنا عايزين ننزل بالكلب فى النهار وسط الزحمة حتنزل بالكلب بس حتنزل فى
زحمة خفيفة عشان الكلب يتعود على الزحمة واحدة واحدة و بعد ما تنزل حتتمشى مع
لمدة ربع ساعة او نصف ساعة و تستمر على التدريب دة لمدة اسبوعين برده او شهر
عشان يتعود براحته بعد كدة تقدر تنزل الكلب فى الزحمة العادية بتاعتنا و الكلب مش
حيكون خايف و بكدة تقدر تنزل بالكلب من غير ما تشيل هم خالص


فى حالة شراء كلب كبير :


نفترض مثلا ان الشخص اشترى كلب كبير اكيد انت حتروح المحل و تاخد الكلب و الكلب
يا اما حيمشى معاك و يا اما مش حيمشى بس الاحتمال الكبير انه يمشى معاك و حيكون
هو متعود على المشى بس انت لازم تعوده على المشى معاك انت مش المشى كدة
و خلاص عشان كدة لما تشترى كلب كبير لازم الاول تأخدو عليك و بعدين تبدا تعودا على
المشى معاك و بكدة خلص الموضوع و عايز اسمع ارائكم