???? زائر
| موضوع: التطعيم استفسارات وردود الجمعة أكتوبر 07, 2011 3:33 pm | |
|
السلام عليكم ورحمة الله طبعا كونك تطعمى القطة ده هيكون افضل لأنه هيحميها من الأمراض وهيحكميكى انتى كمان لأن فيه أمراض مشتركة لو أصيبت بيها القطة ممكن تعديكى ,بالنسبة للسعار فهو مش ضرورى لو قطتك مش بتخرج بالمرة بمعنى مش بتحتك بقطط او اى حيوانات تانية ولو انه يفضل تطعميها لأنه وارد فى مرة تخرج من وراكى وللا حاجة وتحتك بره بحيوان يعضها مثلا فيفضل تكون مطعمة ,أسعار التطعيمات بتختلف من مكان للتانى ولما سألت فى ده لقيت ان الفرق أصلا اللى بيحدده اجر الطبيب اللى بيطعملك القطة ,بمعنى ان فيه طبيب يقولك التطعيم عندى ب 30 جنيه وده هتلاقيه شائع فى منطقة زى فيصل والهرم مثلا ,بينما لو رحتى مصر الجديدة أو المهندسين هتلاقى نفس التطعيم من نفس الشركة ب 100 او 150 جنيه ,بمعنى ان سعر التطعيم الأصلى من مصدرة مبيختلفش ,لكن الدكتور اللى بيطعملك القط هو اللى بيعيد تحديد سعره حسب مستوى المنطقة اللى هو فيها ,يعنى انا مثلا اعرف محل للحيوانات اسمه أفريكانوا فى شارع فيصل فيه طبيب بيطرى بيدى التطعيم الرباعى الجرعة ب 30 جنيه ,بينما فيه محل تانى اسمه كناريا فى نفس الشارع الطبيب اللى فيه بيطعم ب 60 جنيه للجرعة ,فاللى عاوزه اقوله مفيش مقياس لسعر التطعيم لأنه بيختلف من مكان للتانى ومن طبيب للتانى . التطعيم نوعين اولا الرباعي وده الاهم في القطط كان المفروض تطعم عند سن شهرين تقريبا بس مفيش مشكلة ممكن تطعم الآن هتاخد جرعة وبعدها ب 3 اسابيع جرعة تانية سعر التطعيم حاليا 100 جنيه للجرعة الواحدة ويكرر كل عام جرعة واحدة فقط بعد ذلك
التطعيم الثاني وهو السعار المفروض عند سن 3 شهور وبالذات اذا كانت القطط تخرج للشارع او تحتك بقطط غريبة او حتى كلاب سعره المصري بحوالي 10 جنيه ولكن غير مضمون المستور يتراوح من 40 - 65 جنيه حسب العيادة وبلد المنتج ويكرر كل 3 سنوات تقريبا
طبعا التطعيمات لا تعطى مع بعضها يجب ان يفصل بينها وقت ولا تخلطي القطط المطعمة مع القطط غير المطعمة |
|